Geguritan "Kekancan Sejati"

Kekancan Sejati

dening Istikomah

Kanca…

Aku sedhih kowe nglipur

Aku lara kowe nambani

Aku ora isa kowe ngandhani

Kanca…

Saka awakmu aku ngreti kekancan sejati

Kekancan kang ora teka nalika susah

Lan lunga nalika bungah

Nalika susah tanganmu tansah mbiyantu

Nalika bungah atimu tansah melu

Kanca…

Siji pangarepku kanggo awakmu

Janji bebarengan ora kalangan adoh lan waktu

Saklawase…

Geguritan "Jelumpet"

Jelumpet

dening Istikomah

Padhang ya bulane wengi iki

Ayo pada ngumpul

Ayo pada dolanan

Dolanan jelumpet

Sapa sing dadi?

Sapa sing pupuk bawang?

Ayo hompipah aja nganti kalah

Siji loro telu papat lima enem pitu wolu sanga se…puluh

Ayo pada ngumpet

Mumpete aja rapet-rapet

Ati-ati ngko ndak midhak sing anget-anget

Geguritan "Suwung"

Suwung

dening Istikomah

Detik wis kaliwat

Menit wis kaliwat

Jam wis kaliwat

Semono uga dina-dinaku kang wis kaliwat

Dina-dina kang ora ana pesthine

Dina-dina kang ora ana ancase

Dina-dina kang ora ana rasane

Dina-dina kang ora jelas arahe

Sejatine….

Ati iki pengin nduweni rasa kang endah

Kang bisa dadi panglipur ati kang bubrah